path: root/galician/intro/cn.wml

#use wml::debian::template title="O sitio web de Debian en distintos idiomas" BARETITLE=true
#use wml::debian::toc
#use wml::debian::translation-check translation="8da95139c3595d47371ba8d288784086ae2ebacd" maintainer="Jorge Barreiro González"

<protect pass=2>
<:
$lang = languages_footer();
$lang =~ s/<div id="/<div class ="/g;
print $lang;
:>
</protect>

<define-tag toc-title-formatting endtag="required">%body</define-tag>
<define-tag toc-item-formatting endtag="required">[%body]</define-tag>
<define-tag toc-display-begin><p></define-tag>
<define-tag toc-display-end></p></define-tag>

<p>Obviamente, non todo o mundo fala o mesmo idioma. A medida que a rede medra, é 
cada vez máis común atopar páxinas dispoñíbeis en múltiples idiomas.
Por iso se introduciu un estándar, chamado 
<a href="$(HOME)/devel/website/content_negotiation">negociación de contido</a>,
que permite a calquera estabelecer o idioma ou idiomas nos que prefiren
recibir o documento. A versión que realmente se envía negóciase entre o navegador
e o servidor. O seu navegador envía as súas preferencias e o servidor decide
a versión a enviar baseándose nelas e nas versións que haxa
dispoñíbeis do documento.</p>

<p>Fíxese en que escoller un idioma distinto (das traducións dispoñíbeis listadas
na parte inferior da páxina) só mostrará a páxina actual nese idioma. <em>
Non</em> cambia o idioma por defecto. Se pulsa a ligazón a unha páxina diferente,
volverá a mostrarse no idioma orixinal. Para cambiar o seu idioma <em>por 
defecto</em> debe cambiar as súas preferencias de idioma na configuración do seu
navegador, tal e como se explica a continuación.</p>

<ul>
<li><a href="#fix">Que facer se unha páxina web de Debian está no idioma equivocado</a></li>
<li><a href="#howtoset">Como configurar as opcións de idioma</a></li>
<li>Onde cambiar a configuración nos seguintes navegadores:
  <toc-display /></li>
</ul>

<hr />

<h2><a name="fix">Que facer se unha páxina web de Debian está no idioma equivocado</a></h2>

<p>A primeira e máis común razón pola que un documento se recibe no idioma
equivocado do servidor web de Debian é un navegador mal configurado. Consulte
a sección sobre <a href="#howtoset">como configurar as opcións de idioma</a>
para arranxalo.</p>

<p>A segunda razón é unha caché rota ou mal configurada. Este é un problema
crecente xa que cada vez máis ISPs ven o facer caché como unha forma de diminuír
o tráfico na rede. Lea a <a href="#cache">nota sobre facer caché de servidores
web</a> inda que pense que non os usa.</p>

<p>A terceira razón é que exista un problema con
<a href="https://www.debian.org/">www.debian.org</a>.
Só un puñado dos problemas sobre a recepción do idioma equivocado que se
notificaron nos últimos anos foron debidos a un fallo pola nosa parte. Por iso
lle suxerimos que investigue as dúas primeiras fontes de problemas en
profundidade antes de contactar connosco. Se se atopa con que 
<a href="https://www.debian.org/">https://www.debian.org/</a> funciona, pero
algunha das súas réplicas non, infórmenos e contactaremos cos mantedores da
réplica.</p>

<p>Unha vez que arranxe calquera destes problemas, suxerímoslle que limpe
a caché local (tanto en disco como en memoria) do seu navegador antes de tratar
de ver as páxinas de novo. Tamén lle suxerimos usar 
<a href="https://packages.debian.org/stable/web/lynx">lynx</a> para probar.
É o único navegador que atopamos que cumpre ao 100% coa especificación HTTP de
negociación de contido.</p>

<h3><a name="cache">Problemas potenciais cos servidores proxy</a></h3>

<p>Os servidores proxy son basicamente servidores web que non teñen ningún
contido por si mesmos. Póñense no medio entre os usuarios e os servidores web
reais. Recollen as súas peticións de páxinas web e recollen a páxina. Despois,
reenvíanlle a páxina, pero tamén se quedan cunha copia local (caché), para
usar en posteriores peticións. Isto pode realmente reducir o tráfico da rede
cando moitos usuarios piden a mesma páxina.</p>

<p>A maioría das veces isto é unha boa idea, pero falla cando a caché é
defectuosa. En particular, algúns servidores proxy antigos non entenden a 
negociación de contido. Isto provca que fagan caché dunha páxina nun
idioma, e ofrezan esa mesma máis tarde, incluso se se pide en outro idioma.
A única solución é actualizar ou substituír o software de caché.</p>

<p>Historicamente, só se usaba un proxy cando se configuraba o navegador para
usar un. Pero isto xa non é así. O seu ISP podería estar redirixindo todas as
peticións HTTP a través dun proxy transparente. Se o proxy non manexa a
negociación de contido correctamente, os usuarios poden recibir páxinas da
caché no idioma equivocado. A única forma de arranxar isto é queixarse ao seu
ISP para que arranxen ou substitúan o seu software.</p>

<hr />

<h2><a name="howtoset">Como configurar as opcións de idioma</a></h2>

<p>Debería estabelecer o seu idioma preferido a todos os idiomas que fale, 
ordenados segundo as súas preferencias. É unha boa idea engadir o inglés ('en') 
como respaldo (de último na lista) porque o idioma orixinal das páxinas web de
Debian é o inglés, e pode que non todos os documentos estean traducidos aos seus
idiomas preferidos.</p>

# translators can modify the below example to mention their language

<p>Por exemplo, se vostede é galego falante, pode estabelecer a súa variable
de idioma para que inclúa o galego de primeiro (co código de idioma
'<code>gl</code>'), seguido polo castelán, se o prefire ao inglés (código de
idioma  '<code>es</code>'), e finalmente o inglés (co código de idioma
'<code>en</code>').</p>

<p>Consulte a continuación as <a href="#setting">instrucións exactas para
facer isto en navegadores concretos</a>.</p>

<p>Como pode ver aí, a maioría dos navegadores ofreceranlle algún tipo de
interface de usuario que esconderán algúns dos detalles sobre definir o seu
idioma preferido. Se non é o caso, preste atención a unha importante simplificación
feita no parágrafo anterior: se está definindo simplemente unha lista de
idiomas como 'gl', 'es', 'en', isto inda non define unha preferencia, se non
opcións coa mesma preferencia, e o servidor pode decidir ignorar a súa orde. Se
quere especificar realmente unha preferencia, debe usar «valores de calidade», que
son valores en punto flotante entre 0 e 1 onde os valores máis altos indican
unha maior preferencia. Por tanto, no caso anterior probablemente deba usar
algo como «gl; q=1.0, es; q=0.6, en; q=0.3».</p>

<p>Unha cousa coa que debe ter coidado é co uso de subcategorías dos idiomas.
Usando «en-GB, fr», por exemplo, non fai o que moita xente esperaría (se non
leu a especificación HTTP).</p>

<p><strong>Recomendamos encarecidamente que non engada extensións de países a
un idioma a menos que teña unha boa razón</strong>. Se engade unha, asegúrese
de que tamén inclúe o idioma sen a extensión.</p>

<p>Explicación: Un servidor que recibe unha petición dun documento con idioma
preferido «en-GB, fr» non servirá a versión en inglés ('en') antes que a 
francesa. Só servirá a versión inglesa do documento antes que a francesa se
existe unha versión do ficheiro con «en-GB» como extensión de idioma.
</p>

<p>Por tanto, debería configurar o seu navegador para enviar «en-GB, en, fr»
ou simplemente «en, fr». Si funciona no outro sentido, por exemplo un servidor
pode devolver «en-us» se se pide «en».</p>

<p>Para obter máis información sobre estabelecer a variable de idioma 
preferido consulte a
<a href="https://httpd.apache.org/docs/current/content-negotiation.html">documentación
de Apache sobre negociación de contido</a>.</p>

<h3><a name="setting">Estabelecer o idioma preferido nun navegador</a></h3>

<p>Para estabelecer o idioma por defecto no seu navegador precisa definir unha 
variable que se lle pasa ao servidor web. Como facer isto depende do navegador
que use.

<dl>

  <dt><strong><toc-add-entry name="mozilla">Mozilla</toc-add-entry> /
  <toc-add-entry name="netscape">Netscape 4.x</toc-add-entry> ou versións
posteriores</strong></dt>
  <dd>
  <pre>
     Edit -&gt; Preferences -&gt; Navigator -&gt; Languages
  </pre>
  Nota: en Netscape 4.x debe asegurarse de que escolle o idioma de entre as 
opcións dispoñíbeis. Varias persoas informaron de problemas por escribir o 
idioma a man.
  </dd>

  <dt><strong><toc-add-entry name="mozillafirefox">Mozilla Firefox</toc-add-entry></strong></dt>
  <dd>
  Versión 3.0 e posteriores:<br />
  Linux:
  <pre>
     Edit -&gt; Preferences -&gt; Content -&gt; Languages -&gt; Choose...
  </pre>
  Windows:
  <pre>
     Tools -&gt; Options -&gt; Content -&gt; Languages -&gt; Choose...
  </pre>
  Mac OS:
  <pre>
     Firefox -&gt; Preferences -&gt; Content -&gt; Languages -&gt; Choose...
  </pre>

  <br />
  Versión 1.5 e posteriores:<br />
  Linux:
  <pre>
     Edit -&gt; Preferences -&gt; Advanced -&gt; General -&gt; Edit Languages
  </pre>
  Windows:
  <pre>
     Tools -&gt; Options -&gt; Advanced -&gt; General -&gt; Edit Languages
  </pre>

  <br />
  Versión 0.9 e posteriores:<br />
  Linux:
  <pre>
     Edit -&gt; Preferences -&gt; General -&gt; Languages
  </pre>
  Windows:
  <pre>
     Tools -&gt; Options -&gt; General -&gt; Languages
  </pre>

  En versións máis antigas debe ir a <kbd>about:config</kbd> e cambiar o valor
de <kbd>intl.accept_languages</kbd>.
  </dd>

  <dt><strong><toc-add-entry name="iceweasel">Iceweasel</toc-add-entry></strong></dt>
  <dd>
  <pre>
     Edit -&gt; Preferences -&gt; Content -&gt; Languages -&gt; Choose
  </pre>
  </dd>

  <dt><strong><toc-add-entry name="ie">Internet Explorer</toc-add-entry></strong></dt>
  <dd>Windows:
  <pre>
     Tools ou View ou Extras -&gt; Internet Options -&gt; (General) Languages
  </pre>
  </dd>

  <dd>Mac OS:
  <pre>
     Edit -&gt; Preferences -&gt; Web Browser -&gt; Language/Fonts
  </pre>
  </dd>

  <dt><strong><toc-add-entry name="pie">Pocket Internet Explorer</toc-add-entry></strong></dt>
  <dd>
  # Windows Mobile 2003/2003SE/5.0
  <pre>
     Crear a chave do rexistro de tipo cadea <q>AcceptLanguage</q> en
     HKEY_CURRENT_USER\Software\Microsoft\Internet Explorer\International\\
     co valor <q>gl; q=1.0, es; q=0.6, en; q=0.3</q> (sen comiñas).
  </pre>
  </dd>


  <dt><strong><toc-add-entry name="opera">Opera</toc-add-entry></strong></dt>
  <dd>Na maioría das versións:
  <pre>
     File -&gt; Preferences -&gt; Languages
  </pre>
  </dd>
  <dd>Linux/*BSD versións 5.x e 6.x:
  <pre>
     File -&gt; Preferences -&gt; Document -&gt; Languages
  </pre>
  </dd>
  <dd>Nokia 770 Web Browser:
     Edite o ficheiro «/home/user/.opera/opera.ini» e engada a seguinte liña na
sección [Adv User Prefs]:
  <pre>
     HTTP Accept Language=gl; q=1.0, es; q=0.6, en; q=0.3
  </pre>
  </dd>

  <dt><strong><toc-add-entry name="galeon">Galeon</toc-add-entry></strong></dt>
  <dd>
  <pre>
     Settings -&gt; Preferences -&gt; Rendering -&gt; Languages
  </pre>
  </dd>

  <dt><strong><toc-add-entry name="epiphany">Epiphany</toc-add-entry></strong></dt>
  <dd>
  <pre>
     Edit -&gt; Preferences -&gt; Language -&gt; Languages
  </pre>
  </dd>

  <dt><strong><toc-add-entry name="konqueror">Konqueror</toc-add-entry></strong></dt>
  <dd>
  Se quere estabelecer só un idioma, debería ser sinxelo tan pronto como o fallo
  <a href="https://bugs.debian.org/358459">#358459</a> se arranxe. Simplemente
  escóllao no centro de control de KDE e reinicie a sesión para que se apliquen
  os cambios.
  <br />
  Se quere ter varios idiomas ou precisa esquivar o fallo mencionado, terá que
editar o seu ficheiro <kbd>~/.kde/share/config/kio_httprc</kbd> e incluír unha
liña como a seguinte:
  <pre>
     Languages=gl; q=1.0, es; q=0.6, en; q=0.3
  </pre>
  </dd>

  <dt><strong><toc-add-entry name="lynx">lynx</toc-add-entry></strong></dt>
  <dd>Pode ou ben editar a variable <kbd>preferred_language</kbd> no seu
ficheiro <kbd>.lynxrc</kbd> ou estabelecelo usando a orde 'O' mentres está en
«lynx».

  <p>Por exemplo, pode usar a seguinte liña no seu ficheiro <kbd>.lynxrc</kbd></p>

  <pre>
  preferred_language=gl; q=1.0, es; q=0.6, en; q=0.3
  </pre>
  </dd>

  <dt><strong><toc-add-entry name="w3">W3</toc-add-entry></strong> (navegador web baseado en «emacs»)</dt>
  <dd>
  <pre>(setq url-mime-language-string  "preferred_language=gl; q=1.0, es; q=0.6, en; q=0.3")</pre>
  ou use o paquete personalizado (asumindo a versión de URL p4.0pre.14):
  <pre>Hypermedia -&gt; URL -&gt; Mime -&gt; Mime Language String...</pre>
  </dd>

  <dt><strong><toc-add-entry name="icab">iCab</toc-add-entry></strong></dt>
  <dd>
  <pre>
     Edit -&gt; Preferences -&gt; Browser -&gt; Fonts,Languages
  </pre>
  </dd>

  <dt><strong><toc-add-entry name="w3m">W3M</toc-add-entry></strong></dt>
  <dd>
  <pre>
     Options (o) -&gt; Other Behavior -&gt; Accept-Language
  </pre>
  </dd>

  <dt><strong><toc-add-entry name="safari">Safari</toc-add-entry></strong></dt>
  <dd>Safari usa o sistema de preferencias de Mac OS X para determinar o seu
idioma preferido:
  <pre>
    System preferences -&gt; International -&gt; Language
  </pre>
  </dd>

  <dt><strong><toc-add-entry name="elinks">ELinks</toc-add-entry></strong></dt>
  <dd>Pode estabelecer o idioma da interface por defecto en:
  <pre>
    Setup -&gt; Language
  </pre>
Isto tamén cambiará o idioma pedido aos sitios web. Pode cambiar este comportamento
e axustar a variable de idiomas aceptados de HTTP en:
  <pre>
    Setup -&gt; Options manager -&gt; Protocols -&gt; HTTP
  </pre>
  </dd>

  <dt><strong><toc-add-entry name="netscape3">Netscape 3.x</toc-add-entry></strong></dt>
  <dd>Engada
  <pre>
     *httpAcceptLanguage: [preferred_language string]
  </pre>
  ao ficheiro «app-defaults» de Netscape ou a <kbd>~/.Xresources</kbd>    
  </dd>

  <dt><strong><toc-add-entry name="ibrowse">IBrowse</toc-add-entry></strong></dt>
  <dd>Vaia a «Preferences», despois «Settings», despois «Network». Baixo «Accept
  language» mostrará un «*» por defecto.  Se pulsa no botón «Locale» debería
engadir o seu idioma preferido. Se non, pode introducilo manualmente.
Despois diso pulse «OK».
  </dd>

  <dt><strong><toc-add-entry name="voyager">Voyager</toc-add-entry></strong></dt>
  <dd>Vaia a «Settings» e despois a «Languages». Pode introducilo manualmente ou
pulsar en «Get from locale».  Pulse «OK» cando acabe.
  </dd>

  <dt><strong><toc-add-entry name="chromium">Chromium</toc-add-entry></strong></dt>
  <dd>
  <pre>Customize and control Chromium -&gt; Options -&gt; Under the Hood -&gt; Web content -&gt; Change font and language settings -&gt; Languages</pre>
  </dd>
 
</dl>

<p>Se ten información sobre como configurar un navegador que non estea listado
arriba, por favor, envíea a 
<a href="mailto:debian-www@lists.debian.org">debian-www@lists.debian.org</a>.</p>